Një aksident rrugor u shënua pranë rrotullimit të Shupenzës në Bulqizë, ku një automjet përfundoi i përmbysur pranë një lumi. Makina u konstatua nga një kalimtar i rastit i cili njoftoi shërbimet e policisë, teksa këta të fundit në momentin që mbërritën në vendin e ngjarjes, gjetën brenda automjetit një 35 vjecar , i cili u transportua më pas në spital për ndihmë mjekësore. Pavarësisht se i plagosuri u dërgua në spitalin e Bulqizës, mjekët e nisën atë drejt Traumës në kryeqytet për mjekim më të specializuar, për shkak të plagëve që kishte marë nga përplasja.35 vjecari ishte shpallur në kërkim nga policia, pasi të enjten babi i tij e kishte kallëzuar në komisariat, duke thënë se kishte humbur kontaktet me të birin. Policia nuk qartëson në njoftim momentin se kur është shënuar aksidenti, teksa deri në këto momente nuk dihet nëse 35 vjecari është aksidentuar të mërkurën apo të enjten me automjetin e tij. Policia rrugore e Bulqizës pritet të referojë materialet në prokurorinë e Dibrës, e cila do kryejë veprimet hetimore mbi këtë cështje.