Pas kthimit në Kosovë nga marrja në pyetje e prokurorëve të Gjykatës Speciale, pas aktakuzës së ngritur për krime lufte, Presidenti Hashim Thaçi ka publikuar, në rrjetin social “Facebook”, foto nga Haga në Kosovë. Në pamje shihet teksa Presidenti del nga zyrat e prokurorisë speciale në Hagë ku u intervistua për 4 ditë radhazi, dhe në anën tjetër foto nga pika kufitare e Morinës, ku qindra qytetarë e ish luftëtar të UÇK-së, me flamuj në duar kishin dalë për të pritur Presidentin Thaçi në perëndimin e 17 qershorit. “Nga Haga në Kosovë, faleminderit nga thellësia e zemrës sime! ❤️ HTH”, shkruan Hashim Thaçi bashkangjitur fotove të postuara. Kujtojmë se, vetëm një ditë pas kthimit në Kosovë nga marrja në pyetje e prokurorëve të Gjykatës Speciale, Presidenti, Hashim Thaçi ju është drejtuar qytetarëve, por pa dhënë asnjë detaj rreth intervistimit.