Vladimir Putin tha se ai kishte qenë gati të firmoste një marrëveshje për ti dhënë fund luftës në ukrainë, 18 muaj më parë, por Boris Johnson kishte hedhur në erë gjithcka. Presidenti rus pretendoi se ish kryeministri britanik kishte bindur liderin e partisë në pushtet në ukrainë, që të mos e nënshkruante dokumentin. Putin tha se negociatat po zhvilloheshin në Stamboll dhe se ukraina kishte firmosur një marrëveshje, por më pas ishte tërhequr prej saj, nën presionin e Boris Johnsonit, që kishte thënë se ishte më mirë të luftohej me rusinë. Presidenti 70 vjecar i rusisë i bëri akuzat gjatë intervistës me ish gazetarin e Fox Neës, Tuckert Carlson, gjatë të cilës, ai i lejoi vetes të jepte leksione për historinë e rusisë që datonin që nga viti 800, e madje pa u ndërprerë. Ai pretendoi se Davyd Arakhamia, shefi i partisë në pushtet në ukrainë, kishte vendosur firmën paraprake në marrëveshje pas negociatave direkte me rusët në stamboll. Ai sipas putinit kishte thënë publikisht se kishte qenë gati të firmoste por më pas Boris Johnson, në atë kohë kryeministër i britanisë, kishte ardhur dhe i kishte bindur të mos e bënin këtë pasi perëndimi do të jepte gjithcka që i nevojitej ukrainës për të marrë atë që kishte humbur gjatë luftës me rusinë, dhe ata kishin pranuar. Putin shkoi edhe më tej duke thënë se fakti që ukraina i ishte bindur kërkesave apo presionit të Johnsonit, ishte qesharak. “Dhe ishte shumë e trishtueshme për mua kjo, pasi ne mund ta kishim ndalur luftën një vit e gjysmë përpara...Dhe ku është tani Johnson ndërkohë që lufta vazhdon”, tha Putin duke akuzuar më pas edhe shtetet e bashkuara të amerikës, se i kishin kërkuar presidentit ukrainas Volodimir Zelenski të refuzonte negociatat ndërsa vetë ai kishte dashur të arrihej një marrëveshje.