Tre avionët e parë luftarakë belgë F-35 zbarkuan në Bazën Ajrore Florennes të hënën, nën sytë e Mbretit Philippe, Shefit të Mbrojtjes të vendit dhe disa ministrave të tjerë të qeverisë. Avionët bënë dy fluturime mbi bazë para se të uleshin. Avionët u nisën disa ditë më parë nga prodhuesi i tyre, Lockheed Martin, në Fort Ëorth, Teksas. Udhëtimi i tyre u realizua në bashkëpunim me pilotë amerikanë dhe fluturimi mbi atlantik përfshinte edhe operacione të shumta ajrore të furnizimit me karburant të kryera nga një Airbus A330. Me uljen në Belgjikë, avionët u inspektuan nga teknikët belgë dhe u pagëzuan në mënyrë ceremoniale me topa uji.