Mali Etna në sicili, vullkani më aktiv në evropë, shpërtheu mbrëmjen e të dielës dhe spektakli i ofruar prej tij, është fiksuar në kamera. Aeroporti i Katanias në Sicili, një destinacion i pëlqyer turistik, ka ndaluar të gjitha fluturimet pas një shpërthimi të ri në malin etna – tha operatori i tij të hënën. “Për shkak të një shpërthimi të ETNA-s dhe hirit që po del nga krateri, të gjitha fluturimet janë ndërprerë deri në mbrëmje”, tha aeroporti në faqen e tij të internetit. Më herët të hënën, nisjet dhe mbërritjet në aeroport ishin ndalur deri pas mesdite. Kryebashkiaku i Katanias, Enrico Trantino, po ashtu ka ndaluar përdorimin e motocikletave dhe bicikletave për 48 orët e fundit pasi shumë zona janë mbuluar me një shtresë hiri vullkanik. Hiri mund të bëhet shpejt i rrëshqitshëm dhe rrit si pasojë rrezikun e aksidenteve. Me 3324 metra lartësi, Etna është vullkani aktiv më i lartë në evropë dhe ka shpërthyer shpesh 500 mijë vitet e fundit. Pavarësisht shpërthimeve të shpeshta, rrallë herë vullkani shkakton dëme të konsiderueshme.