Pas përplasjeve në seancën e fundit plenare, Sekretariati i Etikës vendosi të përjashtojë me 20 ditë Flamur Nokën nga punimet parlamentare dhe me 10 ditë deputeten Elda Hoti. Ndërkohë u amnisuan Taulant Balla dhe Albana Vokshi. Partia Demokratike kishte kërkuar përjashtimin me 60 ditë të Taulant Ballës, me argumentin se sipas tyre kishte përdorur gjuhë fyese dhe kërcënuese ndaj deputetes Elda Hoti, duke cenuar dinjitetin e saj. Por, Sekretariati i Etikës nuk i gjeti të bazuara këto pretendime.