Me 31 Mars, në Turqi, zhvillohen zgjedhjet lokale. Presidenti Recep Tayyip Erdogan dëshiron që në këto zgjedhje të rimarrë kontrollin në metropole. Ai do të ngjallë besim tek votuesit e tij: "Ne do ta mposhtim opozitën në të gjitha bastionet e saj!" Me këtë shpallje lufte pak ditë më parë ai prezantoi kandidatët e partisë së tij dhe nisi zyrtarisht fushatën për zgjedhjet lokale. Në zgjedhjet e 31 marsit, Erdogan para së gjithash dëshiron të rifitojë qytetet si Stambolli, Ankaraja, Izmiri dhe Antalia, të cilat drejtohen nga opozita. Por ai nuk duket i sigurt për fitoren. Sepse e di mirë që votuesit në qytetet e mëdha janë të paparashikueshëm. Në fakt, kush ka metropolet në dorë ka edhe fuqi të madhe. Ato përbëjnë pothuajse gjysmën e prodhimit ekonomik në Turqi. Prandaj, AKP-ja me çdo kusht kërkon t'i rikthejë nën kontrollin e saj. Dhe për ta arritur këtë po përdor të gjitha mjetet, përfshirë shtrëngimin e shumë fushave dhe censurën e internetit.