Në fjalimin e përnatshëm nga ballkoni i banesës së tij, Sali Berisha iu drejtua emigrantëve, duke u dhënë rol përcaktues në përmbysjen e atij që e quan narkoshtet të instaluar nga Edi Rama në Shqipëri. Sinkron berisha - Në emrin tuaj, dua të përshëndes me përzemërsi të madhe dhe mirënjohje, ata qindra e qindra emigrantë shqiptarë në Londër dhe qytete të tjera të Britanisë së Madhe, që u mblodhën sot në një takim mahnitës, në një takim me entuziazëm të paparë dhe vendosmëri, për të marrë në dorë votën e tyre të lirë, rol përcaktues në përmbysjen e narkoshtetit në Shqipëri. Berisha organizoi këtë të diel një video-komunikim me shqiptarët në Britaninë e Madhe, në pamundësi për të qenë fizikisht vetë atje, si për shkak të arrestit shtëpiak, ashtu edhe prej shpalljes non grata nga Britania e Madhe.