Presidenti francez, Emanuel Macron, ka publikuar disa foto të tij, bardh e zi, ku ai shihet duke bërë Boks, ndërkohë që më herët ka acaruar presidentin rus, Vladimir Putin, me kërcënimin për dërgimin e trupave të NATO-s në Ukrainë. Fotot e presidentit francez, të postuara në Instagram të martën nga fotografi i tij zyrtar, janë bardh e zi dhe e tregojnë presidentin me dhëmbë të shtrënguar dhe biceps të fryrë teksa stërvitet. Fotografitë tregojnë imazhin e ‘njeriut të fortë të evropës’ pasi komentet e tij mbi luftën në Ukrainë, shkojnë më larg se cdo deklaratë e liderëve të tjerë evropianë. Lideri francez, 46 vjeç, ka qenë prej kohësh adhurues i boksit dhe luante futboll në shkollë, në vitet 2000. Dhe tani, ai duket se do të shfaqë edhe një formë atletike, për të mbështetur stilin e tij të ri luftarak, me portrete të reja zyrtare. Javët e shkuara, Macron ka folur për kërcënimin e luftës në Evropë, si rezultat i etjes për gjak të Putinit.