Detaje të reja janë zbuluar nga ekzekutimi me armë zjarri i efektivit të policisë Saimir Hoxha,44 vjec nga Aldo Rama 21 vjec, këtë të martë në vendin e quajtur Vain, në Lezhë. Efektivi ishte në krye të detyrës bashkë me një grup kontrolli në vendin ku ndodhi ngjarja e rëndë. Ata kishin marrë informacione se në luginën e Kune Vainit kishte një sipërfaqe me lëndë narkotike. Burime nga vendi i ngjarjes u shprehën se nuk ka pasur shkëmbim zjarri por ka qenë vetëm një plumb që efektivi i policisë e ka marrë në zemër e cila i ka shkaktuar vdekjen e menjëhershme. Hoxha nuk kishte veshur antiplumb dhe nuk mundi ti mbijetonte plumbit të marrë në zemër, për pasojë ndërrroi jetë. 44 vjecari kishte kontatuar një makinë të dyshimtë dhe të panjohur në atë zonë, automjet i cili dyshohet të jetë i autorit të krimit makabër, Aldo Ramës 21 vjec. Pamjet nga vendi i ngjarjes tregtojnë mjetin e efektivit të policisë, i cili ëhtë gjetur gjysmë i hapur. Ndërkohë nuk dihet, nëse efektivi është qëlluar brenda mjetit të tij, apo jashtë saj. Trupi i tij u gjet i pajetë në një kanal. Forca të shumta policie janë duke kontrolluar imtësisht zonën, ndërsa për të kapur autorin janë angazhuar edhe helikopterë të cilët patrullojnë nga ajri. Policia e Shtetit ka vedosur një shpërblim në këmbim të informacioneve të vlefshme për kapjen e autorit të vrasjes së oficerit të Krimeve në lezhë. Për çdo informacion të vlefshëm që do çojë në lokalizmin dhe kapjen e autorit, shtetasit Aldi Rama, 21 vjeç, Policia e Shtetit ka vënë në dispozicion 20 mijë euro.