Policia e Minesotës dhe FBI kanë nisur një kërkim masiv të shtunën në mbrëmje për një person të armatosur që hiqej si oficer policie dhe vrau një asambleiste të lartë demokrate të shtetit dhe bashkëshortin e saj në atë që Guvernatori Tim Ëalz e quajti "vrasje me motive politike". I dyshuari, i identifikuar si 57-vjeçari Vance Luther Boelter, dyshohet se qëlloi dhe plagosi gjithashtu një ligjvënës tjetër dhe bashkëshorten e tij, sipas zyrtarëve të zbatimit të ligjit dhe FBI-së. Ai u largua në këmbë pasi qëlloi oficerët e policisë në shtëpinë e ish-kryetares së vrarë të Dhomës së Përfaqësuesve të Minesotës, Melissa Hortman, dhe bashkëshortit të saj, Mark. Zyrtarët e zbatimit të ligjit thanë se i dyshuari braktisi një automjet që dukej si një SUV policie, në të cilin oficerët gjetën një "manifest" dhe një listë shënjestrash të politikanëve dhe institucioneve të tjera. Boelter konsiderohet i armatosur dhe i rrezikshëm dhe besohet se është ende në zonën Minneapolis-St. Paul, thanë zyrtarët në një konferencë për shtyp, duke shtuar se ishte shumë herët për të përcaktuar një motiv. Lista e gjetur në automjetin e braktisur nga i dyshuari përmbante rreth 70 emra, duke përfshirë mbështetës të abortit dhe ligjvënësit në Minesota dhe shtete të tjera, raportoi CNN, duke cituar burime të zbatimit të ligjit. Zyrtarët thanë se Hortmanët dhe viktimat e tjera, senatori i shtetit John Hoffman dhe gruaja e tij, ishin në listë. ABC Neës, duke cituar gjithashtu zyrtarë të zbatimit të ligjit, tha se lista përfshinte dhjetëra demokratë të Minesotës, përfshirë Ëalz, përfaqësuesen e SHBA-së Ilhan Omar, senatoren Tina Smith dhe prokurorin e përgjithshëm të Minesotës Keith Ellison.