Policia e Shtetit ka zbardhur ngjarjen e ndodhur mbrëmjen e së mërkurës në fshatin Xibër-Murrizë në Klos, ku u gjet i pajetë Selim Velsula, 65 vjeç, me plagë të shkaktuara nga një mjet prerës. Pas veprimeve hetimore nga Specialistët e Seksionit për Hetimin e Krimeve kundër Personit në Drejtorinë Vendore të Policisë Dibër, në bashkëpunim me Komisariatin e Policisë Mat, u bë i mundur identifikimi dhe arrestimi i autorit të dyshuar, Hazbi Velsula, 32 vjeç, banues në lagjen Allias, Tiranë. Nga hetimet paraprake rezulton se viktima dhe autori, të afërm mes tyre, janë konfliktuar për motive të dobëta, dhe në përfundim të konfliktit fizik, Hazbi Velsula ka goditur me thikë Selim Velsulan, duke i shkaktuar vdekjen.