Në një seancë të zhvilluar me dyer të mbyllura, Gjykata e Posaçme la në burg vëllezërit Kristi dhe Aleksandër Bushgjokaj, të cilët akuzohen për rrëmbimin, vrasjen dhe më pas hedhjen në liqenin e Shkopetit të të riut, Renis Dobra. Ngjarja ndodhi në fillim të muajit korrik të këtij viti dhe nën akuzë për këtë vrasje janë edhe Petrit Hoxha dhe Fatjon Bushgjokaj, të cilët nuk u paraqitën këtë seancë për verifikim mase sigurie. Avokatët e dy vëllezërve pretenduan kanë kaluar afatet e mbajtjes në burg, pasi nga shpallja e moskompetencës së gjykatës së Dibrës dhe kalimit të çështjes në SPAK, dosja u dërgua me vonesë para gjyqtarëve për verifikimin e masave. Avokatët ngritën pyetje se cilat janë arsyet që klientët e tyre akuzohen si grup kriminal. Kërkesa e parë e tyre u rrëzua ndërsa për pyetjen, gjykata tha se dy vëllezërit dyshohen se janë pjesë e një grupi të strukturuar kriminal.