Një atentat me armë zjarri tronditi mbrëmjen e kësaj të mërkurë zonën e Sukthin në Durrës, ku persona të paidentifikuar qëlluan disa herë me breshëri automatiku në drejtim të shtetasit Arben Mërkuri, Ismaili, i njohur ndryshe me nofkën Maneci. 48 vjecari mori me dy plumba në trup dhe u dërgua me urgjencë në spitalin e Durrësit, por për shkak të plagëve të rënda, humbi jetën në spital. Arben Mërkuri është një person i njohur për policinë shqiptare, pasi ai ka qenë i proceduar më herët si i përfshirë në trafikun e lëndëve narkotike. Gjithashtu ai është hetuar dhe për vrasjen e ndodhur 4 vite më parë të Ervin Dalipajt dhe Juxhin Dautajt si dhe për krime të tjera të rënda. Sipas të dhënave nga vendngjarja, viktima është qëlluar nga një makinë tip benz Gle, ngjyrë gri e cilaa qëndroi pranë dyqanit të Mërkurit dhe më pas u largua me shpejtësi.