Është finalizuar ekstradimi nga Belgjika i Mario Çelës, i cili i është dorëzuar autoriteteve shqiptare. Mario Çela, vëllai i Suel Çelës i konsideruar si kreu i një organizate kriminale në Elbasan, u arrestua pak kohë më parë në Belgjikë, pas një urdhër-arresti të lëshuar nga Prokuroria e Posaçme. Sipas SPAK, ai dyshohet se ka pasur rol kryesor në menaxhimin dhe koordinimin e aktiviteteve kriminale të grupit, përfshirë vrasje, trafik ndërkombëtar të lëndëve narkotike, veprime korruptive si dhe organizimin e skemave të pastrimit të parave.