Lulzim Berisha ish kreu i bandës së Durrësit pritet të ekstradohet mbrëmjen e sotme nga Spanja në Shqipëri. Ai u arrestua në 14 dhjetor të vitit të kaluar në kuadër të operacionit të koduar “Sant Joan”, për llogari të shtetit shqiptar, teksa jetonte në shtetin spanjoll me letra bullgare. Lul Berisha u arrestua në vitin 2006 për aktivitetin kriminal të bandës së Durrësit të kryer në vitet 1998-2000, ku ai u akuzua për kryerjen e veprave penale “Vrasje me paramendim” të kryer në kuadër të “Grup i Strukturuar Kriminal” dhe “Mbajtja pa leje e armëve të zjarrit”.