Rusi Igor Kokunov u dëbua këtë të mërkurë nga territori i Republikës së Shqipërisë drejt Rusisë. Edhe pse për Kokunov gjykata Kushtetuese vendosi të pezullonte përkohësisht ekstradimin e tij, pas vendimit të dhënë nga Gjykata e Lartë, autoritetet ligjzbatuese vendosën ta dërgonin drejt Rinasit rusin që do të përballet me akuzat e ngritura në vendin e tij të lindjes. Sipas avokatit Isuf Shehi ai u ekstradua në kundërshtim me vendimin e Kushtetuese. 60-vjeçari rus i arrestuar në Shqipëri, e refuzonte ekstradimin drejt Rusisë. I njohur me nofkën “Vasia Bandit”, pra hajdut me ligj, prokuroria ruse thotë në dosjen hetimore se 60-vjeçari nga viti 1993- 2019 mori postin më të lartë në hierarkinë kriminale. Statusi “hajdut me ligj”, thotë zëvendës prokurori i Përgjithshëm rus, është statusi më i lartë i përjetshëm në hierarkinë kriminale dhe dëshmon përkatësinë e tij dhe autoritetin e padiskutueshëm në elitës kriminale. Rusët i thonë Shqipërisë se Kokunov nga 2005- 2015 ofroi patronazh kriminal të veprimtarisë së kompanisë së përbashkët aksionere “FIRST Moscoë Watch Factory” me një tarifë për të marrë para në gati 1 milionë rubla. Më pas zgjidhi konflikte me strukturat e tjera kriminale derisa zuri postin më të lartë me këta udhëheqës të botës kriminale. Ndërkohë 60-vjeçari pretendonte gjatë seanca gjyqësore se akuzat I janë ngritur për shkak se nuk pranonte regjimin e Putinit.