Gjykata e Dibrës ka vendosur masën e sigurisë arrest me burg për Alfred Debreshin, pasi akuzohet poër vendosjen e eksplozivit në automjetin e vëllait të tij, ish-kandidatit për depuetet Elton Debreshit. 29 vjecari u arrestua tre ditë më parë nga uniformat blu, nën akuzën e veprave penale “Shkatërrimi i pronës me eksploziv”, “Mbajtja pa leje e lëndëve plasëse” dhe Deklarim i rremë para oficerit të policisë gjyqësore”.Efektivët e policisë u shprehën se Alfred Debreshi mohoi gjithcka teksa u mor në pyetje në lidhje me këtë ngjarje. Sipas tij, ai nuk kishte lidhje me eksplozivin e vendosur në makinën e vëllait të tij. Kujtojmë se ngjarja ndodhi pak ditë më parë, pranë banesës së Elton Debreshit. Vëllai i tij, Afrimi vuri një sasi plasëse në makinën e tij, e cila fatmirësisht shkaktoi vetëm dëme materiale dhe nuk pati lëndime.