Ekspertimet ligjore janë thelbësore në zgjidhjen e çështjeve gjyqësore që lidhen me humbjen e jetës apo dëmtimin e shëndetit dhe integritetit seksual. Drejtuesi i Institutit të mjekësisë ligjore ka parashtruar pranë ministrisë së drejtësisë një sërë problematikash që pengojnë mjekët ligjorë në nxjerrjen e autopsisë së duhur. Për këtë arsye është hartuar një draft me ndryshime ligjore për zgjidhjen e këtij ngërçi. Drejtuesi i Institutit të mjekësisë ligjore ka ngritur shqetësimin se në rrethe mungon infrastruktura për kryerjen e autopsive, ka problematika në administrimin e morgjeve në spitale të cilat janë nën administrim të institucioneve spitalore dhe jo të Institutit të Mjekësisë Ligjore dhe gjithashtu ka mbingarkesë pune për ekspertët dhe trajtim të ulët financiar, që sjell mosrealizimin e ekspertimeve në kohë.