Ndërsa një pjesë e madhe e Shteteve të Bashkuara të Amerikës, përjetoi magjinë e eklipsit të plotë diellor, bizneset në të gjithë vendin, sigurisht, nxituan të përfitonin nga eventi. Larry Vu, profesor në universitetin George Uashington, thotë se impakti i plotë i eklipsit në ekonominë amerikane mund të shkojë deri në 6 miliardë dollarë. Edhe pse Uashington D.C. nuk ishte ndër ato qytete amerikane që ndodhej në rrugën e eklipsit të plotë, syze dhe filtra kamerash u shitën masivisht nëpër rrugë dhe njerëzit u mblodhën në National Mall. Deri në orët e fundit para eklipsit diellor të pjesshëm, klientët sërish provonin të blinin edhe produktet e fundit të mbetura që do t’i ndihmonin të shijonin ngjarjen. Ndikimi total, përfshirë pasojat direkte dhe ato të shumëfishta mbi ekonominë amerikane, mund të shkojnë në 6 miliardë dollarë, dhe ky është një vlerësim.