Aktorja Egla Ceno, ka fituar edicionin e tretë të Big Brother Albania Vip, duke u bërë kështu gruaja e parë që merr vendin e parë në këtë format në Shqipëri. Aktorja ia doli të rrëmbente vendin e parë dhe të mërrte shumën prej 100 mijë euro mes Meriton Mjekiqit, Heidi Bacit, Romeo Veshaj dhe Jul Dedës. Mbrëmja maratonë e cila zgjati më shumë se 6 orë, e që mbërtheu shqiptarët para ekranit, dhuroi shumë supriza dhe emocione jo vetëm për 5 finalistët, por edhe për ndjekësit e këtij edicioni. I pari që u eliminua ishte Meritoni, i cili u suprizua më pas në studio nga nëna e tij. Më pas në një përballje mes Heidiit dhe Julit, fitoi ky i fundit, ndërsa mes Romeos dhe Eglës, fitoi aktorja. Ndërkohë në fund në një garë kokë më kokë mes Jul Dedës dhe Egla Cenos, doli triumfuese kjo e fundit, e cila arriti të mbijetonte deri në fund duke fikur kështu dhe dritat e shtëpisë më të famshme në vend.