Ish kryministri Sali Berisha ka publikuar një foto në facebok, ku në të shihen disa efektivë policie në tarracën e selisë blu. Berisha shkruan se kryeministiri Rama pushtoi ditën e shtunë selinë e pd me policisë, duke i quajtur këta të fundit narkobanditë që veshin uniformë. Nga ana tjetër, policia e shtetit ka mohuar një gjë të tille. Përmes një postimi në facebook, policia ka publikuar një postim ku shkruan se nuk ka pasur asnjë trupë të vetme në territorin e asaj partie. Ndërsa më tej thuhet se Policia nuk ka asnjë lidhje me akuza apo pamje të servirura në media, nga aktorë të caktuar politik dhe mediatik. Policia e Shtetit kryen detyrën e saj konform ligjit dhe misioni i saj nuk e përfshin kurrsesi ndërhyrjen në çështjet politike apo mes palëve politik, mbaron postimi i policisë në Facebook. Mirëpo, ajo që mund të themi është se kreu i partisë demokratike Lulzim Basha ka të gjithë të drejtën e mundshme të mbrohet nga policët e gardës, gjë që nuk shihet si problem qëndrimi apo qarkullimi i policisë së gardës rreth selisë së Partisë Demokratike. Por mesa duket, kjo gjë shqetësonka ish kreun e demokratëve Sali Berishën. Të shtunën u mbajt Kuvendi i thirrur nga Berisha ku u vendos që të gjithë personat e shpallur non grata nga SHBA të përjashtohen nga funksionet drejtuese të PD. Ndërsa njëkohësisht u mbajt edhe referendum i thërritur nga Berisha për shkakrimin e Bashës, ndërsa demorkatët votuan me rreth 44 mijë vota pro shkakrimit të tij.