Pesë persona të infektuar me covid19 në Shqipëri kanë humbur jetën 24 orët e fundit, duke e çuar në 2574 numrin total të të vdekurve që nga fillimi i pandemisë. "Me gjithë përpjekjet e mjekëve, në 24 orët e fundit nuk e kanë fituar betejën me COVID19 pesë qytetarë: dy qytetarë nga Tirana 59 dhe 64 vjeç, një qytetar nga Laçi 79 vjeç, një qytetare nga Lezha 84 vjeç dhe një qytetar nga Durrësi 89 vjeç” thuhet në raportimin e ministrisë së Shëndetësisë dhe Mbrojtjes Sociale. Nga afro 5 mijë testime të reja, autoritetet njoftojnë se rastet pozitive kanë rezultuar të jenë 849 dhe në këtë total, Tirana ka edhe numrin më të lartë të infektimeve, e ndjekur nga shkodra, vlora, durrësi etj. Në të gjithë vendin, janë 12772 pacientët aktivë me covid ndërsa në spitale po trajtohen 216 pacientë, nga të cilët 25 në gjendje më të rëndë. Janë shëruar ndërkohë 24 orët e shkuara 982 qytetarë.