Presidentja e kosovës, Vjosa Osmani tha se ka nisur puna për një bibliotekë presidenciale në vend. Osmani e bëri komentin në ditën e parë të javës së bibliotekës në kosovë dhe tha se kjo bibliotekë e re do të promovojë vlerat e demokracisë dhe të shtetit të Kosovës dhe se do të do jetë edukim dhe frymëzim për gjeneratat e reja. “Kjo bibliotekë do të mbledhë dhe do të ruajë dokumente zyrtare e personale, artefakte e materiale historike që dokumentojnë historinë e shtetformimit dhe jetën institucionale të Kosovës, mbi të gjitha në periudhën e rëndësishme të udhëheqjes dhe kontributit të presidentit historik por edhe shumë bashkëpunëtorëve të tij të cilët edhe sot i shoh këtu mes nesh. Osmani tha se kjo nismë do të pasohet edhe nga një marrëveshje bashkëpunimi me ministrinë e kulturës, që do të nënshkruhet këto ditë, përfshirë Bibliotekën Kombëtare, Arkivin e Shtetit dhe Muzeun Kombëtar të Kosovës, për ngritjen profesionale të Bibliotekës Presidenciale.