Grupi i negociatorëve të Shqipërisë drejtuar nga ministri Igli Hasani dhe kryenegociatorja, Majlinda Dhuka do të udhëtojnë drejt Brukselit, ku në 22 maj do të çelet grupkapitulli i tretë që lidhet me konkurrueshmërinë dhe rritjen gjithëpërfshirëse. Konferenca e Pestë Ndërqeveritare vjen pasi Këshilli i Bashkimit Evropian miratoi qëndrimin e përbashkët të BE-së për çeljen e negociatave të anëtarësimit me Shqipërinë mbi 8 kapituj të rinj që lidhen me transformimin Digjital, Mediat, Tatimet, Politika Ekonomike dhe Monetare, Politika Sociale, Punësimi, Ndërmarrjet, Shkenca, Arsimi, Kultura dhe Bashkimi Doganor.