Pas aksidentit të rëndë, kur masivi i mineraleve dhe inerteve e zuri poshtë, ende nuk është gjetur Ardit Beshiri, 29-vjeçari që po punonte me fadromën për sistemimin e mineralit të kromit në fabrikën e pasurimit në Qafë-Burrel, e cila drejtohej nga një kompani kineze. Tre ditë pas ngjarjes, ekipet e shpëtimit po përpiqen ende të gjejnë trupin e të riut, por nuk kanë pasur sukses deri tani. Pajisjet e kërkimit nuk janë në gjendje të lokalizojnë vendin e trupit për shkak të masivit të madh të mineralit që mbulon zonën.