Presidentët Donald Trump dhe Vladimir Putin do të zhvillojnë një takim rreth luftës në Ukrainë të premten në Alaskë, të cilënm Shtetet e Bashkuara e blenë nga Rusia më shumë se 150 vjet më parë. Ndikimi rus vazhdon ende të ndjehet në disa pjesë të shtetit të largët në skajin veriperëndimor të kontinentit të Amerikës së Veriut, që ndodhet vetëm pak kilometra larg nga Rusia. Kur eksploruesi danez Vitus Bering lundroi për herë të parë nëpër ngushticën e ngushtë që ndan Azinë dhe Amerikën në vitin 1728, ai ishte në një ekspeditë për llogari të Rusisë Cariste. Zbulimi i asaj që tani njihet si Ngushtica e Beringut coi në zbulimin e Alaskës, megjithëse njerëzit indigjenë kishin jetuar atje për mijëra vjet. Perandoria ruse ia shiti territorin Uashingtonit për 7.2 milionë dollarë në vitin 1867. Blerja e një zone që ishte dy herë më e madhe se Teksasi u kritikua gjerësisht në SHBA në atë kohë, madje u quajt "marrëzia e Seëard" sipas ideatorit të marrëveshjes, sekretarit të shtetit Ëilliam Seëard. Një nga deklaratat më të famshme rreth afërsisë së Alaskës me Rusinë u bë në vitin 2008 nga Sarah Palin, guvernatorja e atëhershme e shtetit dhe zgjedhja e kandidatit republikan John McCain për zëvendëspresidente. "Ata janë fqinjët tanë të afërt dhe në fakt mund ta shihni Rusinë nga bregu këtu në Alaskë", tha Palin. Në fakt nuk është e mundur të shihet Rusia nga kontinenti i Alaskës, por dy ishuj përballë njëri-tjetrit në Ngushticën e Beringut ndahen nga vetëm 4 km distancë. Ishulli i Diomedës së madhe, i Rusisë është pak në perëndim të ishullit amerikan Diomeda e vogël. Për vite me radhë, ushtria amerikane ka thënë se rregullisht zbulon avionë rusë që i afrohen shumë hapësirës ajrore amerikane në rajon. Megjithatë, Rusia në dukje nuk është e interesuar të rimarrë territorin që dikur e mbante, me Putinin që tha në vitin 2014 se Alaska është "shumë e ftohtë".