Tre persona u dërguan në gjyq nga prokuroria e Tiranës pasi dyshohet se përdorën dokumente te falsifikuara në zgjedhjet e 11 Majit. Bëhet fjalë për 2 funksionarët partiakë Arlind Papa dhe Genc Demiro si dhe një punonjëse e KQZ-së Migena Xibinaku, Sipas organit të akuzës Arlind Papa ka marrë pjesë si vëzhgues në qendrën e votimit në shkollën ‘9-Vjeçare Vorë’ me dokument ‘badge’ të KQZ-së, i cili nga hetimet rezultoi i falsifikuar. Ai nuk ishte I regjistruar si vëzhgues dhe nuk kishte asnjë dokument zyrtar të lëshuar nga KQZ. Papa sqaroi se mbante detyrën e Sekretarit organizativ të PS dhe se kishte dëtyrë të vëzhgonte 43 qendra të tjera votimi bë Vorë. Ai tregoi para hetuesve se badgen ia kishte dhënë Genc Demiro, që mban detyrën e sekretarit të Përgjithshëm të Këshillit të Qarkut Tiranë një ditë para zgjedhjeve. Ndërkohë ky I fundit pohoi se e kishte tërhequr në KQZ, ndërkohë që nga hetimi rezultoi se nuk ishte firmosur asnjë shkresë për këtë veprim. Po ashtu në këtë veprim sipas organit të akzuës ka marrë pjesë dhe sekretarja e protokollit në Komisionin Qendror të Zgjedhjeve Migena Xibinaku. Tre të akuzuarit do të përballen me akuzat e “falsifikimit të dokumenteve’ e kryer në bashkëpunim dhe ‘Përvetësimi i titullit apo i detyrës shtetërore’