Gjendet i vrarë me armë zjarri brenda automjetit në oborrin e banesë së tij, 57-vjeçari i identifikuar si Pjetër Kaza. Autorët dyshohet se i kanë zënë pritë afër banesës dhe e kanë pritur të kthehej, duke e qëlluar me breshëri plumbash. Policia vendore nisi hetimet dhe bëri me dije se dinamika dhe rrethanat mbeten ende të paqarta. Krimi mendohet se është kryer me armë automatike. Pjetër Kaza punonte në minierën e Spaçit dhe sipas të dhënave, ishte kthyer në banesë rreth orës 01:00 pas mesnate. 57-vjeçari u gjet pa shenja jete rreth orës 05:00 nga bashkëshortja, e cila më pas ka njoftuar edhe policinë.