Lëvizja Vetëvendosje ka kërkuar shfuqizimin dhe përsëritjen e votimit të diasporës përmes postës të zgjedhjeve parlamentare të 9 shkurtit, pasi dyshon se ka pasur manipulim të fletëve të votimit. Kështu konfirmon për Radion Evropa e Lirë zëdhënësi i kësaj partie, Arlind Manxhuka. Vetëvendosja, e udhëhequr nga kryeministri Albin Kurti, fitoi më shumë 31 mijë vota të emigrantëve me postë, duke u renditur në vend të parë krahasuar me forcat e tjera politike në Kosovë. Lidhja Demokratike e Kosovës arriti të sigurojë 30.55 për qind të votave, Partia Demokratike e Kosovës 9.48 për qind dhe koalicioni Aleanca për Ardhmërinë e Kosovës - Nisma me 3.23 për qind. Mbi 84.000 shtetas të Kosovës në diasporë zgjodhën të votonin përmes postës për zgjedhjet e 9 shkurtit, sipas Komisionit Qendror të Zgjedhjeve.