Kosova ka hyrë në orët e fundit të fushatës zgjedhore, ku partitë politike kanë intensifikuar jo vetëm takimet, por edhe premtimet. Kreu i Vetëvendosjes, Albin Kurti gjatë një takimi me student premtoi dyfishim burse për ta. Kurti - “Gjatë këtij mandati qeverisës i kemi ndarë afër 18 mijë bursa me një buxhet të gjithmbarshëm prej 20 milionë eurove. Në vijim do të dyfishojmë buxhetin për bursa. Nuk ka kategori shoqërore e cila mund të tregojë se kah po shkon zhvillimi socioekonomik dhe kulturor mbi vendin, sikurse ajo e studentëve të universitetit” Kurti tha se Vetëvendosje ka një vizion të gjerë për një arsim të qasshëm, të drejtë dhe të barabartë për të gjithë. Qeveria në detyrë gjatë këtij viti ka ndarë nga 100 euro për secilin student, derisa ditë më parë ndau mbi 1 milion euro për Bursën e Mobilitetit për studentë.