Ky ishte togfjalëshi më i përdorur nga ish-kryeministri Sali Berisha, si në vitin 2023, të cilin e mbylli me akuza ndaj SPAK e kreut të saj Altin Dumani, ashtu edhe gjatë vitit 2024, i cili po mbyll siparin e tij në të njëjtën formë si ai paraardhësi. Berisha prej vendimit për të dhënë masë sigurie detyrim paraqitje ndaj tij pa kërkuar autorizim nga Kuvendi, i intensifikoi sulmet ndaj Strukturës së Posaçme Anti-Korrupsion. Për numrin një të demokratëve, kjo strukturë po përdorej nga Partia Socialiste dhe në mënyrë direkte nga kryeministri Edi Rama, për të sulmuar kundërshtarët politik, si ata jashtë partisë, por edhe ata brenda saj. Këtë qëndrim Berisha do e mbante në rastin e ish-zëvendëskryeministrin Arben Ahmetaj, i cili u arratis nga vendi dhe akuzoi kryeministrin për çështjet që ai po hetohet nga SPAK.