Sportelet e gjendjes civile, duke filluar nga data 1 maj, do i përkasin të shkuarës. Kabineti qeveritar mori vendimin e reduktimit të zyrave të gjendjes civile, duke lënë funksionale vetëm 150 qendra ku qytetarët mund të marrin disa shërbime bazë. Tkurrja e hartës së gjendjeve civile është konceptuar si një vendim që do të sjellë revolucion dixhital për Shqipërinë, pasi dokumentacionet do të ofrohen në platformat online. Por, miratimi i këtij vendimi, vulos edhe largimin nga vendi i punës të qindra nëpunësve të gjendjes civile, teksa ministrat nuk kanë ende asnjë draft në tavolinë, se çfarë do të ndodhë me fatin e të papunëve. “Miratuam në Qeveri reduktimin e zyrave të gjendjes civile, nga 390 do të ketë vetëm 150 zyra të tilla. Kjo si pasojë e shërbimebe publike digjitale. Shërbimet do jenë vetëm online, do të ketë vetëm 150 sportele në të gjithë Shqipërinë, për të marrë shërbime që duhen detyrimisht të merren nga qytetari. Janë 8 shërbime që do të merren online. Do të shkëputet kontakti i qytetarit me shërbimin, por online.