Shtohen rastet e të infektuarve me covid 19. Sipas ministrisë së Shëndetësisë janë regjistruar 87 infektime nga 1 mijë e 188 testime të kryera në 24 orë. Në raportimin e zakonshëm të ministrisë së shëndetësisë bëhet me dije se nuk ka asnjë humbje jete nga koronavirusi. Rritja e ndjeshme e rasteve të reja mund të ketë ndodhur si pasojë e shfaqjes së dy nënvarianteve të reja në vendin tonë, Omicron BA.1 dhe BA.2, të cilat u konfirmuan nga Instituti I Shëndetit Publik, pas përgjigjes së marrë nga laboratorët e referencës në Gjermani. Tirana rezulton të jetë qarku më i infektuar me 38 infektime, e ndjekur nga Saranda me 7 raste dhe më pak raste janë shënuar në qarqet e tjera. Aktualisht në spitalin COVID3 po marrin trajtim 15 pacientë, nga të cilët 1 është në gjendje më të rënduar. Po gjatë këtij harku kohorë janë shëruar 131 qytetarë, duke e çuar numrin e të shëruarve në 270,055 që nga fillimi i epidemisë. Ndërkohë, në të gjithë vendin, 453 qytetarë janë aktivë me covid 19.