Dy deputetë të Partisë Demokratike kanë marrë në dorë të propozojnë dy paketa apo rrugë për bashkimin e demokratëve, përballë amullisë së qendrimeve e vendimeve midis Komisionit të Rithemelimit dhe përkrahësve të ish-kryetarit Lulzim Basha. I pari ka qenë deputeti Helidon Bushati I cili në mbledhjen e grupit parlamentar parashtroi 4 pika që përfshijnë ndalimin e procesit të riorganizimit të PD në bazë e procesi të shtyhet për 1 muaj, caktimin e një ‘Kuvendi Pajtimi’, të tërhiqet ankimimi I bërë nga Alibeaj për vendimin e 25 marsit dhe të ndalohet dalja në televizione e deputetëve me qëndrime kontradiktore. Nga ana tjetër, në pamundësi për të qenë pjesë e kësaj mbledhje, deputetja Flutura Açka ka publikuar këtë të mërkur propozimet e saj për zgjidhjen e krizës. Paketa në fjalë përmban ngritjen e 2 këshilleve, atë të Bashkimit të PD dhe Këshillit të të Urtëve.