Dy shtetas serbë kanë kaluar kufirin ilegalisht të dielën në Novosellë Kamenicë. Sipas njoftimit zyrtar të Policisë së Kosovës, thuhet se me vendim të prokurorit rasti i është referuar gjykatës për kundërvajtje. Ngjarja ka ndodhur vetëm pak ditë pasi ministria e Mbrojtjes e Serbisë, njoftoi se policë të Kosovës kishin kaluar në mënyrë të paautorizuar vijën kufitare me Serbinë, në veri të vendit. Sakaq, këtë të hënë, Forca e Sigurisë së Kosovës (FSK), bënë të ditur se në kuadër të bashkëpunimit me Forcat e Armatosura Turke (FAT) është realizuar “Trajnimi i Sistemit të Armëve SARP’’, që kishte qëllim përfitimin e njohurive teorike dhe praktike të përdorimit të sistemit të avancuar të armëve SARP. Instruktorët nga Forcat e Armatosura Turke, po japin kontribut të çmuar në ngritjen e kapaciteteve profesionale për FSK, shkruhet në postim.