Kryedemokrati Sali Berisha deklaroi se forca që ai përfaqëson, nuk do të marrë pjesë në Komisionet e Posaçme që pritet të ngrihen, nëse pjesë e tyre nuk janë edhe ndërkombëtarët. Praninë në Komisionin e Reformës Zgjedhore, Berisha e kushtëzoi me pjesëmmarjen e përfaqësuesve të ODIHR, ndërsa për reformën territoriale, kërkoi përfaqësues të Kongresin e Autoriteteve Rajonale dhe Lokale. Pretendojnë për dy komisione. Asnjë komision pa Kongresin e Autoriteteve Rajonale dhe Lokale për reformën territoriale dhe pa ODIHR-in nuk marrim pjesë. Të vijnë institucionet ndërkombëtare. Dhe është shumë e gabuar që rrinë dhe marrin vitin 2008, besoj e bazojnë në një mashtrim qëndrimin e tyre. Të marrim ODIHR-in, të marrim specialistë nga Venecia, se edhe ata kanë specialistë të klasit të parë edhe në të drejtën elektorale.