Më 14 dhe 21 dhjetor Kuvendi I Shqipërisë do të mbajë dy seancat e fundit plenare për këtë vit, teksa prej më shumë se 6 javësh ka humbur funksionimin normal të tij për shkak të aksionit opozitar. Por është pikërisht ky aksion opozitar që ka shtyrë maxhorancën të bëjë ndryshime drastike në rregulloren e Kuvendit, duke kërkuar që masat më të rënda të mos jenë më përjashtimi për 10 dtë nga punimet e Kuvendit, por për 30 dhe 60 ditë në varësi të shkeljeve të bëra nga deputetët. Një gjë e tillë nga kreu I grupit parlamentar democrat, Gazment Bardhi, është konsideruar si një pezullim I mandatit të deputetit të dhënë nga qytetarët. Pikërisht këto ndryshime në rregullore por edhe ratifikimi I marrëveshjes me Italinë, pritet të votohen seancën e kësaj të enjteje, me vetëm votat e maxhorancës socialiste, e për këtë Rama ka qenë I prerë që të gjithë deputetët të jenë në atë seancë. Ndërkohë në rend dite janë edhe disa projektligje, përfshirë atë për tullumbacet me azot.