Shkarkimi i kryetarit të rizgjedhur të Bashkisë së Kukësit, pas publikimit të skandalit erotik nga zyra e tij që mban datën 6 qershor 2023, e çon Kukësin në zgjedhje të parakohëshme. Nisur nga kjo, sipas parashikimeve të kodit zgjedhor, Kukësi duhet të shkojë sërish në zgjedhje brend 45 ditëve. Sipas nenit 10 të Kodit Zgjedhor, në rast të ndërprerjes së mandatit, zgjedhjet e reja mbahen jo më parë se 30 ditë dhe jo më vonë se 45 ditë nga data e njoftimit të ndërprerjes së mandatit, që në këtë rast u bë në 16 qershor. Nisur nga kjo, kryeministrisë I duhet të njoftojë zyrtarisht Presidentin e Republikës, I cili Brenda 48 orëve nga njoftimi I vendimit të marrë, duhet të caktojë datën për zgjedhje të pjesshme. Por paralelisht me datën që pritet të vendosë presidenti Bajram Begaj, një date pritet edhe për Rrogozhinën, pas vendimit të Kolegjit zgjedhor për shpalljen e pavlefshmërisë së zgjedhjeve në këtë Bashki. Por ndryshe nga rasti I shkarkimit, në rastin e Rrogozhinës është KQZ, institucioni që do të duhet të caktojë datën e zgjedhjeve, teksa mbetet për tu pare nëse do të ketë një koordinim me Presidentin për të patur të njëjtën date. Gjici u shkarkua më 16 qershor nga Këshilli i Ministrave për shkak të përfshirjes së tij në një skandal seksual në zyrën e bashkisë Kukës. Skandali u zbulua pasiu shpërnda me shpejtësi videoja erotike përmes whatsapp, teksa pak orë nga publikimi, Gjici u dorëhoq publikisht.