Dy avionë F-16 të Turqisë hynë këtë të shtunën në zonën e fluturimit të kontrolluar nga Athina, pa njoftuar më parë për planin e tyre të lëvizjes. Kështu njoftoi Shtabi I Përgjithshëm I Mbrojtjes Kombëtare në Greqi, që dha detaje mbi lëvizjen e avionëve. Ndonëse ata nuk kishin njoftuar një lëvizje mbi hapësirën ajrore të kontrolluar nga Greqia, u kapën nga radarët dhe menjëherë u kundërpërgjigjën avionë të forcave ajrore greke, që u ngritën dhe u kërkuan pilotëve turq të kthehen pas. Nuk dihen ende shkaqet e fluturimit të dy avionëve luftarakë F-16 në zonën ajrore greke, megjithatë mediat helene njoftojnë se herën e fundit që ndodhte diçka e tillë, ak qenë 3 shkurti I këtij viti, kur raportet mes dy vendeve ishin mjaft të tensionuara. Më pas ndodhi tërmeti shkatërrimtar në Turqi e më vonë përplasja e trenave ën Greqi, ngjarje këto që sollën uljen e tensioneve dhe solidarizimin e dy vendeve fqinje me njëra-tjetrën. Së fundi, më 12 korrik presidenti turk Rexhep Taip Erdoan dhe kryeministri grek Micotaqis u takuan në Vilnius, ku hodhën bazat e negociatave për zgjidhjen e çështjeve që ndajnë dy vendet, kryesisht në ishujt në detin Egje.