Më shumë se 800 banesa të përmbytura dhe 304 qytetarë të evakuuar. Ky është vetëm bilanci paraprak i përmbytjeve në Durrës. Panorama që shoqëroi qytetarët e Durrësit këtë fillimvit ishte ajo e makinave të zhytyra në ujë, banesave të përmbytura dhe rrugëve të pakalueshme. Të dhënat e shtabit të emergjencave në prefekturë veçojnë zonat periferike si më problematiket, kryesisht zona e ish Kënetës, Spitallës dhe Nishtullës. Burgu i Durrësit po ashtu u përmbyt dhe të burgosurit u zhvendosën në katin e dytë të godinës.