Kandidatët e Partisë Socialiste kanë siguruar shumicë votash në pesë bashki të vendit, teksa është konfirmuar mandati i kryebashkiakëve socialistë në bashkitë e Vorës, Rrogozhinës, Lushnjes, Dibrës dhe Durrësit. Pas përfundimit të procesit të numërimit të votave në 157 qendrat e votimit të bashkisë së Lushnjës, Eriseda Sefa, kandidatja e Partisë Socialsite, u zgjodh me shumicë votash në krye të kësaj bashkie. 35.69 përqind e qytetarëve me të drejtë votë, shprehën vullnetin e tyre në këto zgjedhje të pjesshme lokale. Eriselda Sefa siguroi 21 mijë e 477 vota, rezultat i cili e rrit Partinë Socialiste me 5.6 për qind krahasuar me rezultatet e zgjedhjeve të 25 prillit. Në vend të dytë qëndron kandidati i koalicionit ‘Shtëpia e Lirisë’, Elton Bano me 11 mijë e 238 vota, për t’u ndjekur nga përfaqësuesi i Partisë Demokratike, Indrit Sefa.