Zgjedhjet presidenciale në Francë janë shoqëruar edhe me incidente, ku një person i cili dyshohet se ka probleme mendore, sulmoi me thikë një prift dhe një murgeshë në një kishë në qytetin e Nicës në Francë. ‘Duhet të vrasim Macronin’, thërriste burri 31 vjecar me thikë në dorë, thanë zyrtarët të dielën. Mediat lokale raporotjnë se deri më tani nuk ka dyshime për ndonjë sulm terrorist, ndërsa bëhet me dije se autori i ngjarjes u vu në pranga nga policia. Kryetari i bashkisë së Nicës, Christian Estrosi tha se sulmuesi ka qëndruar në disa raste në spitalin Sainte-Anne për pacientët me sëmundje mendore. Sipas mediave franceze, prifti u godit 20 herë me thikë, ndërsa murgesha u godit 1 herë me thikë në dorë. Raportohet se ato ndodhen në spital, jashtë rrezikut për jetë, ndërsa autoritetet po punojnë për zbardhjen e plotë të ngjarjes.