Islam Dudaev bën të dëgjohet himni shqiptar në kampionatin evropian të mundjes. Mundësi i natyralizuar si shqiptar fitoi medaljen e artë në këtë kompeticion që po zhvillohet në Bukuresht të Rumanisë në kategorinë e peshës deri në 65 kg pasi mundi në finale rusin Rashidov me rezultatin 2-1. Dudaev që garoi në stilin e lirë bëri një paraqitje të jashtëzakonshme duke i eliminuar pastër kundërshtarët e tij deri në triumfin final. Pasi eliminoi turkun Coprak 6-3, Dudaev kaloi me lehtësi edhe ruminin Coman 8-1 për të mundur më pas në cerekfinale Arsamerzuev ndërsa në gjysmëfinale mposhti një mundës azer për të kaluar në finale ku arriti të thyejë edhe Rashidov e për t’i dhuruar medaljen e artë mundjes shqiptare. Ndërkaq, mundja shqiptare shpreson për një tjetër medalje të artë këtë radhë nga Zelimkhan Abakarov. Ky i fundit arriti të kalojë në finalen e këtij evropiani që do të zhvillohet këtë të dielë