Në dhjetor të vitit 2020, Prokuroria Speciale kundër Korrupsionit dhe Krimit të Organizuar, bëri lëvizjen e saj kundër të ashtuquajturës “banda e Durrësit”, një klan i fuqishëm kriminal me qendër në qytetin e Durrësit. SPAK akuzoi anëtarët kryesorë të bandës për përfshirje në tre vrasje në vitin 2005 dhe lëshoi urdhër arresti ndërkombëtar për disa prej tyre, duke përfshirë një rezident në Dubai të quajtur Plaurent Dervishaj. Autoritetet në Tiranë nisën procesin për ekstradimin e tij. Dervishaj, megjithatë, ende nuk është dorëzuar dhe që atëherë është liruar nga paraburgimi. Në fakt, vështirësitë me të cilat përballen autoritetet shqiptare për ekstradimin e shqiptarëve të kërkuar nga Emiratet e Bashkuara Arabe duket se kanë shtyrë një numër të madh figurash të krimit shqiptar të kërkojnë strehim atje.