Një operacion I gjërë anti-drogë është finalizuar nga policia e Tiranës, duke cuar në pranga 5 persona. Bëhet fjalë për një grup kriminal që siguronte ekstazi nga Kosova e më pas I sillnin në Tiranë, për të furnizuar tregun e brendshëm. Mësohet se janë 5 persona të arrestuar, mes tyre shtetas nga Kosova dhe nga Shqipëria. Nga ana tjetër, Policia e Kryeqytetit ka sekuestruar 10 mijë doza ekstazi, që po të hidhej në treg do t’I siguronte trafikantëve qindra mijëra euro. Dozat e lëndës narkotike shiteshin kryesisht në lokalet e natës. Hetimet kanë nisur 5 muaj më parë për këtë rast. Në orën 11 pritet dhe një deklaratë për shtyp nga Drejtori I Policisë së Tiranës, Tonin Vocaj, I cili do të japë më shumë detaje për operacionin, sa I takon të arrestuarve dhe skemës sesi funksiononte ky aktivitet I paligjshëm.