Elvin Gogaj, Adnand Xholi, Doloreza Musabelliu dhe Klodian Braho janë 4 prokurorët e SPAK që kanë zyrtarizuar deri më tani në Këshillin e Lartë të Prokurorisë kandidaturat për postin e kreut të Prokurorisë së Posaçme pas përfundimit të mandatit të Altin Dumanit. I pari që ka dorëzuar aplikimin ishte prokurori Elvin Gogaj, ndërsa të mërkurën kanë depozituar kërkesën dhe Xholi, Musabellliu dhe Braho. Afati i fundit për t’u bërë pjesë e garës përfundon këtë të mërkurë, ndërsa aplikimet janë hapur në muajin shtator, pra 3 muaj nga përfundimi i mandatit të kryeprokurorit aktual, Altin Dumani. E reja në këto zgjedhje, është kandidatura e parë e një gruaje, Doloreza Musabelliut, e cila garon për postin e kryeprokurores së SPAK.