Prokuroria e Posaçme ka dërguar për gjykim dy drejtuesit e një grupi kriminal të trafikut të drogës në Francë, të indentifikuar si Zabit Fisniku dhe Redian Doda, si edhe bashkëpunëtorin e tyre Fabi Isaku, që kishte rolin e ndihmësit. Ndaj Redian Doda janë ngritur akuzat për veprat penale “Trafikim i lëndëve narkotike”, “Pastrimi i produkteve të veprës penale ose veprimtarisë kriminale”, dhe “Grup i strukturuar kriminal”. Ndaj Zabit Fisniku dhe Fabi Isakut janë ngritur akuzat për veprat penale Trafikim i lëndëve narkotike”, kryer në bashkëpunim dhe “Grup i strukturuar kriminal”. Sipas provave, autoritetet franceze gjatë periudhës gusht-dhjetor të vitit 2022, nisën një hetim ndaj grupit të organizuar kriminal, I cili ishte I vendosur në qarkun e Lionit dhe furnizonte grupet e shitjes që ndodheshin në qarkun e Savojës dhe Savojës së sipërme. Grupi drejtohej nga Shqipëria në Francë nga Zabit Fisniku dhe Redian Doda.