Përparimi i Kosovës në agjendën e Bashkimit Evropian është penguar nga politikat e brendshme përçarëse dhe nga ngërçi politik pas zgjedhjeve parlamentare të 9 shkurtit, pavarësisht se Kosova është e përkushtuar në rrugën evropiane, thuhet në një draft të Raportit të Progresit në pjesën për Kosovën për vitin 2024. Në dokument përmendet se Kosova e ka përshtatur në mënyrë vullnetare politikën e saj të jashtme me atë të Bashkimit Evropian, çka sinjalizon përkushtim të qartë për vlerat e BE-së. Mes tjerash në draft-raport përmendet se Komisioni Evropian ka marrë hapat e parë drejt heqjes graduale të masave ndëshkuese.