Ish-kreu i kundërzbulimit për FBI-në në Nju Jork Charles McGonigal është deklaruar fajtor për dosjen shqiptare. Ai akuzohej se ka fshehur pagesat e 225,000 dollarëve në para nga një ish-oficer i inteligjencës shqiptare, i cili u bë burim në një hetim të FBI-së. Ashtu siç ishte paralajmëruar, Charles McGonigal u paraqit në një seancë dëgjimore në gjykatën federale të Uashingtonit këtë të premte. McGonigal përballet me një padi prej nëntë pikash në Uashington, duke e akuzuar atë për dështimin për të raportuar pagesat në para dhe udhëtimet që ai bëri me ish-oficerin e inteligjencës në Evropë në 2017 dhe 2018. Ai u deklarua fajtor për një akuzë konspirative në gjykatën federale në Manhattan muajin e kaluar në një rast të veçantë në lidhje me punën e tij për oligarkun rus Oleg Deripaska, i cili ishte nën sanksionet e SHBA. Ashtu siç ishte paralajmëruar më herët edhje nga avokati i vetë Charles McGonigal, ky i fundit pranoi fajësinë, në mënyrë që të arrijë një marrëveshje për të përfituar një dënim shumë më të lehtë sesa parashikohet për akuzat që rëndojnë ndaj tij.